FAQs Complain Problems

फोटो ग्यालरी

प्रमुख प्रशासकीय अधिकृत सरको बिदाइ कार्यक्रम ।
मिति २०७८ पौष १९ गते
भानु नगरपालिका तनहुँका प्रमुख प्रशासकीय अधिकृत उपसचिव श्री भीमप्रसाद तिवारी सरको औपचारिक बिदाइ गरियो । संघीय मामिला तथा सामान्य प्रशासन मन्त्रालयको निर्णयानुसार उहाँ मुख्यमन्त्री तथा मन्त्रिपरिषदको कार्यालय गण्डकी प्रदेश पोखरा सरूवा हुनुभएको हो । विगत ९ महिनादेखि भानुमा रहँदा उहाँको कार्यशैली, बोली, व्यवहार,  समन्वयकारी भूमिका र कर्मचारीहरूका लागि अभिभावकीय नेतृत्व  निकै अनुकरणीय रह्यो । सरको भावि जीवन सुखद, उपलब्धिमूलक बनुन्, वृत्तिविकास गर्ने अवसरका ढोकाहरू खुल्दै जाउन् भन्दै  उत्तरोत्तर प्रगतिको कामना गर्दछौ । 

, , , , , , , , , , , , , , , , , , ,

भानु नगरपालिका तनहुँको आयोजना तथा गण्डकी प्रदेश प्रशिक्षण प्रतिष्ठानको सहयोगमा आयोजित लैङ्गिक समानता तथा सामाजिक समावेशीकरण परिक्षण (GESI Audit) सम्बन्धि स्थानीय तहको क्षमता विकास सम्बन्धी तीन दिवसीय कार्यशाला आज मिति २०७८ साल कार्तिक १६ गते सम्पन्न भएको छ । नगर प्रमुख उदयराज गौलीको अध्यक्षतामा सञ्चालन भएको उक्त कार्यशालामा गण्डकी प्रदेश प्रशिक्षण प्रतिष्ठानका विज्ञ सहजकर्ताहरुद्वय नवीन चन्द्र घिमिरे र निर्मला अधिकारीले सहजीकरण गर्नुभएको थियो । कार्यशालामा नगरकार्यपालिकाका सदस्यहरु, विषयगत शाखा प्रमुखहरु तथा राष्ट्रसेवक कर्मचारीहरुको सहभागिता रहेको थियो । यसै क्रममा भानु नगरपालिकाले तय गरेको नीति, कानून तथा कार्यविधिहरु र कार्यक्रम एवं बजेटमा लैङ्गिक समानता तथा सामाजिक समावेशीकरणको मर्म र भावना लाई के कति सम्बोधन गरेको छ भन्ने विषयमा विभिन्न पाँच वटा क्षेत्रको स्वमूल्याङ्कन तथा समीक्षा भएको थियो ।

कार्यशालाको अन्तमा प्रमुख प्रशासकीय अधिकृत ध्रुवराज पौडेलले कार्यक्रममा भानु नगरपालिकाको सुक्ष्म आत्मसमीक्षा गर्दै सुधारका लागि निकै महत्वपूर्ण सुझाव एवं पुष्ठपोषण प्राप्त भएको कुरा उल्लेख गर्नुहुँदै आगामी दिनमा समग्र भानुको कार्यसम्पादनको गुणस्तर सुधार गर्ने प्रतिबद्धता व्यक्त गर्नुभएको थियो ।

, , , , , , , , , , , , , , , ,

भानु नगरपालिकाका निवर्तमान प्रमुख प्रशासकीय अधिकृत श्री राजेन्द्रदेव पाण्डे नेपाल सरकारको सह सचिव पदमा बढुवा हुनुभई बैतडी जिल्लाको प्रमुख जिल्ला अधिकारीको रुपमा सरुवा भई जानु भएकोमा बधाई तथा शुभकामना साथै विदाई , सेवा निवृत हुनुभएका भानु नगरपालिका शिक्षा शाखाका उप सचिव श्री डिल्लीरमण भट्टराईको विदाई र भानु नगरपालिकामा प्रमुख प्रशासकीय अधिकृतको रुपमा आउनु भएका श्री भिम प्रसाद तिवारीलाई स्वागत कार्यक्रम ।

मिति : २०७८/०१/०२

, , , , , , , , , , , , , ,

ट्राफिक सचेतना बोर्ड हस्तान्तरण कार्यक्रम - २०७७/१०/२९

भानु नगरपालिकाको सौजन्यमा नगरपालिका भित्रका सडकहरुमा राख्नका लागि नगर प्रमुख उदयराज गौलीद्वारा जिल्ला ट्राफिक कार्यालय,तनहुँलाई २७ वटा ट्राफिक सचेतना बोर्ड हस्तान्तरण गरिएको छ ।

उक्त कार्यक्रममा जिल्ला ट्राफिक कार्यालय,तनहुँका प्रमुख रेशम बहादुर रानाभाटले होर्डिङ बोर्ड राख्नुको उद्देश्य बारे बोल्नु भएको थियो । साथै नगर प्रमुख उदयराज गौलीले पनि यसको आवश्यकता र महत्वको बारेमा मन्तव्य राख्नु भएको थियो । सो कार्यक्रममा प्रमुख प्रशासकीय अधिकृत श्री राजेन्द्रदेव पाण्डे, इलाका प्रहरी कार्यालय,भानु मुकाम डुम्रेका प्रहरी निरीक्षक श्री प्रकाश भुषाल, नगरकार्यपालिका सदस्य श्री देव बहादुर भुजेलको पनि उपस्थिति रहेको थियो ।

, , ,

भानु नगरपालिका तनहुँमा सञ्चालन भएको कक्षा १ को नयाँ पाठ्यक्रम सम्बन्धि प्रबोधीकरण/ Curriculum Dissemination कार्यक्रम  सम्पन्न भएको छ । २०७७ माघ १६ देखि १८ सम्म भानु ९ बाईसजँघार केन्द्रमा र माघ २३ देखि २५ सम्म भानु २ फुस्रेटार केन्द्रमा गरी दुई चरणमा सम्पन्न गरिएको हो ।

, , , , , , ,

भूमी समस्या समाधान आयाेग,भूमीहीन दलित, भूमीहिन सुकुम्बासी र अव्यवस्थीत बसोबास सम्बन्धि १ दिने अभिमुखीकरण कार्यक्रम भानु नगरस्तरीय सहजीकरण समीती १३ वडाको वार्ड स्तरीय सहजीकरण समीतीका सदस्य हरुलाई सहभागी गराई कार्यक्रम संचालन गरीएको छ । कार्यक्रमको अध्यक्षता भानु नगरपालिका प्रमुख एवं सहजीकरण स‌ंयोजक श्री उदयराज गौली ज्यूको अध्यक्षतामा भूमी समस्या समाधान आयोगका केन्द्रिय सदस्य गण्डकी प्रदेश संयोजक श्री एक बहादुर रानाको प्रमुख आतिथ्यमा भएको छ । उक्त कार्यक्रममा विभिन्न राजनितिक दलका प्रतिनिधिहरुले आफ्नो मन्तव्य एव‌ं कार्यक्रम सफलताको प्रतिबद्धता व्यक्त गर्नुभएको थियाे ।

, , , , , , , , , , , , , , , , , , ,

Pages